လူရိုင်းဆန်တယ်လို့ ပြောထွက်တာကိုတော့ အတော်ကိုအံ့သြမိပါတယ်၊

လူရိုင်းဆန်တယ်လို့ ပြောထွက်တာကိုတော့ အတော်ကိုအံ့သြမိပါတယ်၊ ဘုန်းမောင်(ဒုတပ်သား) သူမပြောတဲ့အထဲကတစ်ချို့အပိုဒ်ကပါ၊............ -------------------------------------- တရားဥပဒေစိုးမိုးရေးဟုဆိုရာတွင် ဒဏ်ပေးခြင်းနှင့် ပညာပေးချင်သောစိတ်၊ ပြန်လည်ပြုပြင်ရေး နှင့်ပြန်လည်ထူထောင်ရေးလုပ်နိုင်သော အခွင့်အရေးများ တပါတည်းရှိရမည်ဖြစ်ပြီး နာစေလိုသော စိတ်ဖြင့် ဒဏ်ပေးခြင်းသည် လူရိုင်းဆန်ကြောင်း၊ အမှားများကျူးလွန်စေခဲ့စေကာမူ ပြုပြင်နိုင်သော အခြေအနေပေးရန် လိုအပ်သည်ဟု ဒေါ်အောင်ဆန်းစုကြည်က ဆက်လက်ပြောသည်။ “ပြန်လည်ထူထောင်ရေး ပြန်လည်ပြုပြင်ရေးဆိုတာက တရားဥပဒေအရ ဒဏ်ပေးတဲ့စနစ်မှာတောင် ပါသင့်တယ်။မပါလို့ရှိရင် ဒီဟာက လူရိုင်းဆန်တယ်လို့ပဲပြောရမှာပဲ။ဒဏ်ပေးမှုသပ်သပ်ဆိုတာက လူရိုင်းဆန်တဲ့အမြင်ပဲ။ တကယ်လူ့ယာဉ်ကျေးတွေလုပ်ရမယ့်ဟာဆိုလို့ရှိရင် ဒဏ်ပေးတာဟာ ဒဏ်ပေးဖို့ မဟုတ်ဘူး၊ ပြုပြင်ဖို့ဆိုတဲ့ အမြင်ရှိရမယ်။အဲဒီတော့ ဒဏ်ပေးတာအပြင် ပြုပြင်ဖို့ အစီအစဉ်တွေပါ တခါတည်းရှိရမယ်။ အဲဒါကြောင့် ဘယ်သူမဆို အန်တီအမြင်မှာတော့ ဘယ်လောက်ပဲမှားဖူးမှားဖူး၊ ကိုယ့်ကိုယ်ကိုယ်ပြုပြင်နိုင်တဲ့ အခွင့်အရေးတော့ပေးရမယ်” ဟု ၎င်းက ပြောသည်။ ----------------------------- လူထုခေါင်းဆောင်ကြီးကအမျက်ထွက်နေတာကိုမြင်ရတော့ တကယ်စိတ်မကောင်းပါ ကျနော်တို့လိုခရိုနီတွေကိုအမြင်တစ်မျိုးနဲ့မြင်သူတွေ၊ သူမနဲ့အမြင်မတူသူတွေကို ဒီမိုကရေစီသဘောသဘာဝအရ လက်ခံကြိုဆိုခြင်း ကွဲလွဲမှုကိုလက်ခံလိုခြင်းမပြုပဲ လူရိုင်းဆန်တယ်လို့ ပြောထွက်တာကိုတော့ အတော်ကိုအံ့သြမိပါတယ်၊ စစ်အစိုးရနဲ့ ဒီလိုတိုင်းပြည်ရဲ့သံယံဇာတနှင့်စီးပွါးရေးလုပ်ပိုင်ခွင့်အားလုံး နှစ်ပေါင်းနှစ်ဆယ်ကျော် ဂုတ်သွေးစုတ်လာခဲ့တာကို လူထုကအလွယ်တကူနဲ့ခွင့်မလွတ်နိုင်တာကိုတော့ နားလည်ပေးသင့်တယ်ထင်ပါတယ်၊ ပြီးတော့ တရားဥပဒေဆိုတာ သားရေကွင်းလိုရှုပ်ချည်ပွချည် လုပ်လို့မရဘူးဆိုတာ ဥပဒေစိုးမိုးရေးလုပ်ရင်ပိုသိသာလာပါလိမ့်မယ်၊ မတရားစီးပွါးရှာခဲ့တာဆိုတာကလည်းခိုးနည်းတစ်မျိုးပါပဲ၊ ဥပဒေအထက်မှာ ရှိနေသူတို့နဲ့ပေါင်းဖက်ပြီးလူထုအကျိုးစီးပွါးကို ဖျက်လိုဖျက်စီးလုပ်ခဲ့ကြတာလည်း အပြစ်ရှိတာပဲ၊မကောင်းတဲ့အစိုးရနဲ့အနီးကပ်ပေါင်းသင်းပြီးလုပ်တဲ့စီးပွါးရေးဆိုတာ ဘယ်လိုလုပ်ပြီးသမာအာဇီဝရှိတော့မှာလဲ၊ ခရိုနီတွေကိုလူထုခေါင်းဆောင်တစ်ယောက်ထဲခွင့်လွတ်လိုက်ရုံနဲ့ လူကောင်းဘ၀ကို မရနိုင်ပါဘူး၊ သူတို့ရဲ့နောင်တတရားနဲ့အတူ သူတို့မတရားရယူထားတာတွေကိုလူထု အကျိုးစီးပွါးအတွက် ထိုက်တန်တဲ့ပေးဆပ်မှုကိုလုပ်မှသာ လူထုကနားလည်ခွင့်လွတ်နိုင် မှာဖြစ်တယ်၊ တကယ်တန်းခရိုနီတွေသာ လူထုဘက်တော်သားဖြစ်ချင်ရင်တော့ လူထုနဲ့ရဲရဲလက်တွဲပြဖို့တကယ်ကိုလိုအပ်ပါတယ်၊ အနည်းအကျင်းစွန့်ကျဲပြီး နာမယ်ဝယ်တာမျိုးတော့မလုပ်ကောင်းပါ၊ သူတို့အာဏာရှင်တွေလောင်းရိပ်အောက်က တကယ်ထွက်လာပြီဆိုရင်တော့ လူထုကလက်ကမ်းပေးပါလိမ့်မယ်လို့ထင်ပါတယ်၊ ဘာပဲဖြစ်ဖြစ် ဒီမိုကရေစီသဘောသဘာဝအရသဘောထားကွဲလွဲမှုကိုလက်ခံသင့်ပါတယ်၊